He timotimo kōrero anō mā tātou!
Tēnā koutou ngā kaipānui o te wā,
Tēnei wāhanga o te tau, e hika mā e, he mākū, he makariri, he waipuke, ā, he aha rawa rā ēnei rangi kōrero nei. Kia tata mai a tou pakupaku, ka waiho iho a tou makariri, kia tīmata te nukunuku i ngā tou kererū, kia piki ai te ora. Te mate korona e aukati noa i te whānau, he whakakore i te hāere ki ngā tangihanga, ki ngā huringa tau, ki ngā mahi whakatō i te ora.
Tēnei a kaituhi i roto i ahau e tarai ana te tuhi, e tarai ana te hoki atu ki te tuhi i tāku i tuhi ai, te uaua hoki. He aha rā tēnei ao a te kaituhi, ēhara i te mea ngāwari, ēngari he mea me mahia te mahi, me whakaaro tau ki te kaupapa kua hora nei. Anei ahau kei taku tari, kei roto i tōku whare me tātā mai i ngā kaupapa e paihere i āu ki tōku ao.
Ko te tīni kope tētahi kōrero paku i hora, anei anō tētahi hei here i a tama Hikohiko kia tātou:-
Te kōrero paki me uncle Google……
He aha te kōrero a remote kia tiwi? Whakakāngia ahau!
He aha tāu kōrero paki tama Hikohiko?
He aha te kii a ārani kia āporo? He reka ake au i a koe!
I ahu mai a uncle Google mai tētahi wāhi tino makariri. He mau kākahu mahana te whānau i te wā makariri, ēngari anō a uncle Google he tarau poto, he hinareti noa. Ko tētahi mahi ōna he taraiwa taraka, tētahi o aku tino taraka o te ao. E rua noa aku pakeke, ko māua ko uncle Google tēnā e kōrero paki ana me te whānau. Ka hōhā noa a māmā Hina Hene, ka pōnānā noa a Kuia Pora, ēngari anō a uncle Google tōia tonu te reo kimikimi, te reo hanga kōrero paki a tama Hikohiko, ko au. He ōrite ahau ki tōku uncle Google, he tough.
