Haukapuanui Vercoe

Highly Commended Finalist for Best Short Story written by a Secondary School Student 2013

 
Ko Matawhaura, ko Paeroa ngā maunga
Ko Te Rotoiti-i-kite-ai-e-Īhenga-i-ariki-ai-a-Kahumatamomoe te roto, ko Waikato te awa
Ko Te Arawa te waka, ko Puahārangi te hōkioi
Mai i Maketū ki Tongariro, koirā te rohe
Ko Te Arawa, ko Tūwharetoa ngā iwi
Ko Ngāti Pikiao, ko Ngāti Tahu ngā hapū
Ko Otaramarae, ko Te Ohaaki-a-Ngātoroirangi ngā wāhi
Ko Houmaitawhiti, ko Tahumatua ngā marae
Ko Haukapuanui tōku ingoa
Ko Haukapuanui te tūpuna whakahono o ōku mātua, arā he tupuna o Te Arawa, o Tūwharetoa
 
Tēnā anō tātou katoa, nō tata, no tawhiti. Ko Haukapuanui tōku ingoa. Ka kura au ki Te Kura Tuarua o Rotohokahoka (Western Heights High School), i Rotorua. Koinei taku tau whakamutunga i te kura, nā whai anō me oke ururoa i roto i ngā mahi katoa!

I te whakataetae Pikihuia kua pahure ake, i tae tuarua au mo te wāhanga ki tō tātou Reo, ā, i te wāhanga mo ngā ākonga no te kura. Na, i taua wā i te kura au ki Te Kura Kaupapa Māori o Te Koutu. Ko Matua Uenuku rāua ko Whaea Tīaho Fairhall ōku kaiako Te Reo Māori i taua wā. Kārekau he kaiako i tua atu i a rāua; he tino tautōhito rāua. Me te mea hoki, he tino tangata rāua.

Tau kē tōku whēako i te whakataetae kua pahure ake nei. Ruarua ngā take i rawe ai. Ka tahi, i rata mai ki a au te rongo i tō tātou Reo e kōrerohia mōmonatia i te pō whakamihi rā. Ehara i te mea ko Te Reo ake, heoi ko te kounga o Te Reo i kōrerohia. Te mutunga kē mai o te pai! Ka tahi, ka rua, i rere ngātahi ai mātou ko ōku kaiako, ko tōku whānau ki Te Whanganui-ā-Tara. I tino whakaatu mai tērā ki a au nei, he aroha, he akiaki, he tautoko nō ōku kaiako, nō tōku whānau anō hoki mōku. Koirā te mea i tino pā mai ki tōku nei ate.

Heoi rā, rawe te whakataetae, rawe te pō, rawe te huihuinga i waenga i a tātou, Ngāi Māori, me tō tātou Reo Rangatira!

Nō reira, kia kore ngā kōrero e tōroa, ka mutu i konei.

Tēnā koutou, tēnā koutou, oti kau, tēnā anō tātou katoa.

Haukapuanui Vercoe

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s